Hahu husi fulan Junho dia 30 to dia 10 de Julho hahu treinamento laboratorio ka workshop ho titulo: Applied Bioprospecting laboratory training program for stakeholder capacity enhancement to support ABS product Development in Timor-Leste: with focus on Agriculture and Pharmaceutical Innovation.  Archi Biotecnique Sai hanesan kompanhia nebe servisu hamutuk ba projectu ABS hodi fo treinamento durante semana 2 nia laran. treinadores nain 3  husi Indonesia Archie Biotecnique fo treinamento ba funsionariu hosi Ministeiru turismu I ambiente liu hosi diresaun nasional biodiversidade hamutuk ho instituisaun sira seluk. Iha treinamento ne’e fahe  mos ba grupo 2 ( farmasia no Agricultura). Grupo farmasia hahu treinamentu hosi segunda-feira e terca-feira, kuarta-feira I kuinta-feira ba grupu Agrikultura no sexta hanesan loron ba grupo rua atu hamutuk hodi halo Quality control.  Gropu farmasia foka liu ba oinsa procesu aitahan ka especimento, nebe foti husi munisipio Baucau (Larisula) maka hanesan: ai korneta, ai tasi, ruku fuik no aruda. Hodi produs ba produtu rua mak hanesan: Mouth wash ka Aimoruk Hakmumuk no Aruda balm. Aitahan 4 nebe introdus husi matenek local labele halo sai produto nebe ita bele uja lorloron ho seguro tamba laiha rekurso no ekipamentus laboratorio nebe bele fo klean informasaun. ABS ninian projetu ne rasik loke dalan ba matenek local sira atu habelar liu tan sira nia matenek.

Semana primeiro procesu specimento ba aitahan 3 (ai korneta, ai tasi no ruku fuik) nebe foti iha baucau larisula tinan kotuk. Benefisio husi ai tahan 3 ne’e uja ba tratamentu  nehan moras, inflamasaun iha nehan no nehan kuak. Dadus ne’ebé kompañia Achi Biotecnique partilla katak labarik hosi tinan rua (2) too tinan ualu (8), 72% mak afeita ba nehan kuak, hosi dadus sira ne’e mak Archi Biotecnique liu hosi projetu ABS iha Timor Leste, fo treinamentu ida ne’e tamba konfirmadu ona matenek local ho rezultadu laboratorium nian konaba rekursu genetiku tolu (3) bele hamate bakteria iha nehan no hamenus moras wainhira uja espesiment 3 ne. ho dados sira ne Archie biotech liu husi ABS project halo Produto husi espesiment 3 sai hanesan Mouthwash.  prosesu atu halo mouthwash ne’e  rasik nia ingridiantes mak hanesan sodium benzoate, sodium sakarin, aquades, Gliserin, Tweet-80, menthanol crystal, oleum menthae, ethanol 70% ho ekstra ai-korneta, ai tasi ho ruku fuik no mos ekipamentus hosi Archi Biotecnique.

Semana daruak loron segunda – tersa, grupu farmasia hahu fali treinamentu konaba prosesu halo remison hosi ektra aruda. Loron segunda treinador sira partilla informasaun konaba rezultadu aruda ne’e nia kontente kimiku resultado nebe antes ne iha ona, no mos matenek local sira nian , no mos aruda nia funsaun atu kura moras hanesan isin manas, isin katar, inus metin. Alien ida ne’e, peskizadora hosi ICS nian relata tan katak aruda ne’e rasik iha benefisiu atu hatun ka hamenus liman ain tos ka nia espesifiku ba epelipse (bibi maten) I mos iha kandungan arborinine ba kankru. Ho aruda nia kontente kompostu kimiku ho nia funsaun sira ne’e hotu mak liu hosi treinamentu ne’e valida aruda ne’e sai ba remison hodi fasil atu uja ba ema sira ne’ebé moras liman ain toos, pratika mos konaba halo ekstrasaun aruda ho ekipamentus esktrasaun nian. Loron tersa grupu farmasi pratika oinsa halo remison, ho nia  ingridiantes  remison mak hanesan:  Vaseline album, oleum menthae, menthanol crystal, paraffin liquid,aruda rasik no ekipamentus hosi Archi biotecnique.

Sesta-feira loron ikus husi treinamento, mak halo quality control ba grupo rua. objectivo husi quality control ne atu koko produto nebe halo ona hodi halo konfirmasaun klean liu tan kona ba seguro atu uja produto hirak ne’e.

Related Post :